Hurmat janë një nga frutat më të shijshme të këtij sezoni, që padyshim dhe vlerat ushqyese i kanë të larta.
Personat anemik duhet të konsumojnë hurmat sa më shumë të jetë e mundur sepse janë një burim i shkëlqyer i hekurit, por sidomos rekomandohet për fëmijët gjatë pubertetit dhe tek gratë shtatzëna.
Në rast se gjatë shtatzënisë konsumohet hurma të paktën një muaj para lindjes, do të keni më pak dhimbje gjatë procesit të lindjes si dhe më pak gjakderdhje.
Diçka e tillë tashmë e vërtetuar edhe shkencëtarisht nga hulumtimet në Universitetin e Shkencave në Jordani.
Përveç kësaj hurma është një ndihmës i mirë dhe ushqim mjaft pozitiv për shëndetin e nënave edhe pas lindjes.
Hurmat ndihmojnë nënat në prodhimin e mjaftueshëm të qumështit të gjirit për fëmijën, e po ashtu edhe parandalon depresionin.
Hurmat kanë aftësi shumë të mira laksative dhe ndihmojnë në tretje për shkak të përmbajtjes së lartë të tyre në fibra, por nëse ato konsumohen të papjekura mirë, pra të pasura me taninë, ato janë të dëmshme dhe e dëmtojnë këtë proces.
Nëse konsumohen të pjekura, ato mund të jenë një kurë mjaft efektive në trajtimin e konstipacionit.
Hurmat janë të pasura me vitaminë C, e cila njihet për vetitë e saj në mbrojtjen e imunitetit.
Nga ana tjetër, ato përmbajnë sasi të lartë uji, sheqeri, vitaminash dhe mineralesh.
Sasia e lartë e karbohidrateve tek hurmat i bën ato të dobishme në përfitimin e energjive të nevojshme për organizmin.
Në fakt, nuk ka studime të mirëfillta mbi këtë efekt, por thuhet se hurmat mund të stimulojnë eritropoezën (prodhimin e rruazave të kuqe të gjakut), si dhe prodhimin e hemoglobinës në sajë të shtimit të përthithjes së hekurit në zorrë përmes ushqimeve, duke çuar kështu në përmirësimin e shkallës së anemisë.
Është parë se hurmat kanë efekte pozitive në përmirësimin e lodhjes dhe stresit psikologjik.
Rrjedhimisht, si pasojë e efekteve të tilla pozitive, mendohet se ato ndihmojnë edhe në përmirësimin e sëmundjeve kardiovaskulare, në të cilat njihet se një nga faktorët shkaktarë është edhe stresi.
Reduktimi i tij ka çuar në reduktimin edhe të sëmundjeve kardiovaskulare.
Hurma është një frut i pasur në sheqerna, kripëra minerale, vitamina A, B dhe C si dhe aminoacide të rëndësishëm.
Që t’i shndërroni menjëherë në pure, hurmat duhet të jenë shumë të buta. Me ndihmën e një luge, merrni vetëm tulin e frutit, pa lëkurë dhe bashkojini në një enë.
Mund t’i shtypni me lugë apo t’i përzieni me mikser që të keni një krem homogjen.
