Përballjet e fundit për këtë vit në Ligë të Parë të Kosovës zhvillohen të mërkurën, më 27 nëntor.
Të gjitha ndeshjet, si ato të Grupit A ashtu edhe ato të Grupit B do të luhen atë ditë dhe të gjitha nisin në kohë të njëjtë, në ora 13:00.
Ndërkaq, njëra ndër ndeshjet interesante të Grupit A të Ligës së Parë, ajo ndërmjet Trepçës dhe Trepçës’89 do të luhet në Lipjan.
Si duket për këtë, ndeshja Trepça-Trepça’89 është vendosur që të zhvillohet në “Sami Kelmendi” të Lipjanit.
Aktualisht, të dyja skuadrat janë në luftë për Superligë, ndërsa Trepça është e dyta në renditje me 25 pikë, kurse Trepça’89 e katërta me 22 sosh.
Në grupin A, do të përballen dhe Liria – Drenica, Rahoveci – Mitrovica, Rilindja – Besa dhe Istogu – Vëllaznimi.
Në grupin B, përballen Vushtrria – Fushë Kosova, Ramiz Sadiku – Keku, Prishtina e re – Vjosa, 2 Korriku – Kika dhe Dinamo Flamurtari.
