Sot zhvillohen ndeshjet e fundit të basketbollit vendor, sa i përket vitit 2023.
Këto takime i takojnë xhiros së 15-të, të Princ Caffe Superligës.
Të enjten do të përballen Golden Eagle Ylli me Bashkimin. Therandasit kanë tetë fitore e gjashtë humbje, ndërsa prizrenasit kanë katër fitore e dhjetë humbje, andaj të dy skuadrat synojnë fitoren, që të kenë plasman sa më të mirë në garat e rregullta.
Ylli vie në këtë sfidë pas humbjes nga Trepça, ndërsa Bashkimi pasi pësoi ngushtë nga Peja. Kjo sfidë zhvillohet në palestrën “13 Qërshori” me fillim të orës 19:00.
Peja-Vëllaznimi është sfida e fundit, që njëkohësisht pritet të jetë më interesantja e kësaj xhiro. Kampionët e Kosovës janë në vendin e dytë me dhjetë fitore e katër humbje, ndërsa kuqezinjtë kanë shtatë fitore e shtatë humbje, duke u renditur në vendin e pestë.
Duelet në mes këtyre dy skuadrave këtë vit kan japur basketboll cilësor, dhe në këto ndeshje rezultati final është 1 me 1, me të dy skuadrat që fituan si vendase. Tek verdhezinjtë pritet të luajn përforcimet e reja: Jetmir Zeqiri, Musab Mala dhe Sadio Doucoure. Teksa te gjakovarët presim ta shohim në parket Daniel Lekndrejaj.
Ky takim do të luhet në palestrën “Karragaqi” po ashtu me fillim nga ora 19:00.