Gana ka arkëtuar fitoren e parë në Kupën e Botës, derisa e ka mposhtur me shifra 3:2 Korejën e Jugut në kuadër të Grupit H.
Ganezët në stadiumin “Al Rayyan” e nisën me dobët se koreanët, ku aziatikët krijuan raste të mira shënimi, por më konkret ishin ganezët. Në dy tentime drejt portës, shënuan dy gola.
Fillimisht ishte Salisu që në minutën e 24` i dha epërsinë Ganës. Mirëpo, ata nuk u ndalën me aq, pasi shënuan edhe golin e dytë në minutën e 34` me Kudus i cili dyfishoi rezultatin.
Pjesa e dytë ishte më e zjarrtë, pasi u shënuan edhe tri gola të tjera. Koreanët ishin ata që brenda tre minutash shënuan dy herë me Gue-sung, fillimisht në minutën 58`, më pas në 61`.
Por, ganezët nuk u dorëzuan pas atij barazimi, dhe rikthyen epërsinë në favorin e tyre në minutën e 68` me Kudus.
Me këtë fitore Gana pozicionohet në vendin e dytë me tri pikë. Ndërsa, Koreja e Jugut gjendet në vendin e katërt me vetëm një pikë dhe i vështirësohen punët për kualifikim tutje.
