Ka ndërruar jetë një grua shtatzënë e cila kishte pësuar lëndime mbrëmjen e 22 shkurtit në një aksident trafiku në rrugën Ferizaj Shtime-raporton teve1.info
Lajmin e ka konfirmuar për teve1 Basri Shabani, drejtor i Policisë Rajonale në Ferizaj.
“Po fatkeqësisht sot kemi pranuar informatën se një grua shtatzënë e cila kishte pësuar lëndime trupore në aksidentin e ndodhur më 22 shkurt ka ndërruar jetë”, ka deklaruar Shabani.
E ndjera kishte pësuar lëndime të rënda trupore në një aksident në trafik që ndodhi në rrugën Ferizaj – Shtime mbrëmjen e 22 shkurtit, ku mbetën të vdekur Arlind Isufaj 21-vjeçar, Mergim Behluli 23-vjeçar, Armend Muhadini 39-vjeçar dhe Arsim Isufaj.
Në këtë aksident ishte lënduar rëndë një çift, burrë e grua. Gruaja shtatzënë kishte marrë plagë të rënda dhe ishte dërguar për trajtim në Qendrën Klinike Universitare të Kosovës.
Vdekjen e saj e ka konstatuar mjeku në QKUK, ndërsa me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
