Ka ndërruar jetë gjatë ditës së djeshme gruaja e cila dyshohet se ishte sulmuar nga djali i saj në Klinë.
Policia, në raportin 24-orësh, ka njoftuar se e njëjta ka ndërruar jetë në Qendrën Klinike Universitare të Kosovës (QKUK).
Në njoftimin e Policisë thuhet se, me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti kishte ndodhur më 6 shtator në fshatin Poterq të Klinës, ku një person dyshohet se kishte sulmuar nënën dhe motrën e tij.
Sipas raportimeve, të dyja viktimat ishin dërguar për trajtim mjekësor, fillimisht në Spitalin e Pejës dhe më pas në QKUK, për shkak të gjendjes së rëndë shëndetësore. Motra e të dyshuarit kishte ndërruar jetë si pasojë e plagëve të marra, ndërsa nëna e saj kishte vazhduar trajtimin në QKUK, ku edhe ndërroi jetë.
I dyshuari ishte ndaluar për 48 orë me urdhër të prokurorit.
