Një fëmijë ka humbur jetën dje në Qendrën Klinike Universitare të Kosovës (QKUK), ku po trajtohej për lëndimet e marra pas një aksidenti me trotinet elektrik.
Sipas informacioneve, ngjarja kishte ndodhur më 8 qershor në rrugën “Pajazit Nushi” në Gjilan, kur fëmija ishte rrëzuar nga trotineti elektrik dhe kishte pësuar lëndime trupore.
Policia ka bërë të ditur se, me urdhër të prokurorit, trupi i pajetë i është dorëzuar familjes.
Rasti është iniciuar dhe po trajtohet si “Vetaksident trafiku me fatalitet”.
