Artur Dmitriev, kampion i dyfishtë olimpik në patinazh artistik, ndërroi jetë në moshën 59-vjeçare si pasojë e një ataku në zemër.
Ai mbahet mend si patinatori i parë në histori që fitoi medaljen e artë olimpike me dy partnere të ndryshme.
“Me pikëllim të thellë njoftojmë opinionin publik për ndarjen nga jeta të kampionit të dyfishtë olimpik, kampionit të dyfishtë botëror dhe kampionit të trefishtë evropian në patinazh artistik për çifte, Artur Valeriyevich Dmitriyev”, njoftoi Federata Patinazhit Artistik.
Dmitriev pësoi një atak në zemër të martën e kaluar, më 23 qershor, gjatë nje seance stërvitore.
Ai u dërgua me urgjencë në Moskë, ku iu nënshtrua një operacioni dhe më pas u vendos në gjendje kome të induktuar. Ai nuk ia doli të shërohej dhe ndërroi jetë.
Dmitriyev e fitoi medaljen e artë olimpike për herë të parë në vitin 1992 në Albertville të Francës, në çift me Natalia Mishkutenok.
Dy vjet më vonë, në Lojërat Olimpike Dimërore në Lillehammer, ai fitoi medaljen e argjendtë.
