Është ndërprerë seanca për konstituimin e Kuvendit, pasi që kryeministri në detyrë, Albin Kurti ka ftuar në takim të shtunën partitë politike për konsultim.
Derisa, seanca e radhës do të mbahet pas 48 orëve, pra të dielën nga ora 11:00.
Ndërkohë, Gjykata Kushtetuese ka konstatuar që vazhdimi i deritashëm i seancës konstituive të Kuvendit nuk është zhvilluar në pajtim me përcaktimet e Kushtetutës dhe se deputetët duhet ta përfundojnë këtë seancë jo më vonë se 30 ditë, në një njoftim që është dërguar për media të enjten pasdite.
Ndryshe, kryeministri në detyrë dhe kryetari i Lëvizjes Vetëvendosje, Albin Kurti, ka reaguar pas aktgjykimit të djeshëm të Gjykatës Kushtetuese që thekson se obligimi për ta konstituuar Kuvendin është detyrë e të gjithë deputetëve dhe jo vetëm e subjektit të parë.
Në emër të grupit më të madh parlamentar të dalë nga zgjedhjet e 9 shkurtit 2025, Kurti njoftoi se u është drejtuar të gjithë krerëve të partive të përfaqësuara në legjislaturën e nëntë me ftesë për një takim të përbashkët./teve1.info/
