Konjufca para deputetëve ka thënë se bllokimi i seancës i është dukur i paarsyeshëm sepse sipas tij, nuk ka pasur lidhje seanca për temën me të cilën sot është protestuar, raporton Teve1.info
“Seanca e sotme shkoj si shkoj pra me këtë bllokim i cili mu ka dukur krejtësisht i pa arsyeshëm meqenëse nuk mendojë që ka pasur lidhje kjo seancë për temën për cilën sot është protestuar por edhe është bllokuar seanca mirëpo për shkak të kësaj që nuk shoh edhe kushte të vazhdojmë për arsye se një pjesë e opozitës po insiston që të kjo seancë të bllokohet”, tha ai.
Ai deklaroi se seanca që është paraparë të mbahet sot, të vazhdohet javën e ardhshme.
“E vazhdojmë atë javën e ardhshme kurdo që e shohim të arsyeshme”, shtoi tutje kryeparlamentari.
Konjufca paralajmëroi deputetët që seancat e Kuvendit nuk do të mund të bllokohen pafundësisht për shkak të betejave politike.
“Po ju paralajmërojë që seancat e Kuvendit nuk do të mund të bllokohen pafundësisht apo për shkak të betejave tona politike që i kemi megjithatë principi më i rëndësishëm i shtetit është funksionimi i tij. Me kaq po e ndërpremë seancën, vazhdojmë një ditë tjetër”, ka thënë Konjufca. /teve1.info/
