Punimet në një pjesë të sheshit “Xhorxh Bush” në Prishtinë janë ndërprerë sërish pasditen e së martës.
Bëhet e ditur se ndalja e punimeve në këtë shesh është bërë nga organet e Inspektoratit të Trashëgimisë Kulturore.
Komuna e Prishtinës të hënën ka rinisur punimet në këtë shesh pas ndërprerjes dy herë nga Inspektorati i Trashëgimisë Kulturore.
Në nisjen e këtyre punimeve prezent ishte edhe vetë kryetari i Prishtinës, Përparim Rama, e po ashtu edhe zyrtarë të Policisë së Kosovës.
