Në Teatrin Kombëtar të Kosovës, është mbajtur një ceremoni për të kujtuar dhe nderuar jetën dhe kontributin e artistit të rrallë të skenës teatrore shqiptare, Xhevat Qorraj.
Familjarë, miq dhe kolegë u mblodhën në skenën teatrore, duke shprehë mirënjohje të thella dhe respekti.
Qorraj, u kujtua nga djali i tij, Luani, ministri Hajrulla Çeku, regjisori Fadil Hysaj, udhëheqësi artistik i Teatrit Kombëtar të Kosovës, Kushtrim Mehmeti, dhe aktori Selman Lokaj.
“Përveç si artist i jashtëzakonshëm i roleve dhe çmimeve të shumta, Qorraj ishte një figurë e respektuar dhe aktivist i përkushtuar për kulturën. Përmes angazhimit të tij për të promovuar vlerat e artit, ai ka ndikuar në ndërgjegjen kulturore të shoqërisë. Kontributi i tij i veçantë për artin dhe kulturën e Kosovës ka bërë që emri i tij të mbetet një shembull frymëzues për të ardhmen”, thuhet në njoftimin e Ministrisë së Kulturës./teve1.info/
