Policia ka ndaluar një qytetar të Serbisë në Bistricë të Leposaviqit, pasi që i njëjti dyshohet se ka hyrë ilegalisht në teritorin e Kosovës.
Sipas njoftimit të policisë i njëjti dyshohet se përdori rrugë alternative jashtë vendkalimeve kufitare për të hyrë në Kosovë.
Pas intervistimit i njëjti është liruar në procedurë të rregullt.
“Njësiti policor ka ndaluar veturën me targa të Serbisë të cilën kishte qenë duke e drejtuar i dyshuari mashkull shtetas i Serbisë i cili përmes rrugëve alternative jashtë vendkalimeve kufitare nga territori i Serbisë ka hyrë në territorin e Kosovës. I dyshuari pas intervistimit në konsultim me prokurorin është liruar në procedurë të rregullt”, thuhet në njoftimin e PK-së.
