Një person është dërguar në mbajtje për kontrabandim me migrant.
Sipas Policisë së Kosovës, në një furgon të cilin e drejtonte një shtetas i Kosovës, gjatë kontrollit janë gjetur 16 migrantë, shtetas të Sirisë.
I dyshuari është ndaluar në magjistralen Prishtinë – Pejë, saktësisht në Komoran mbrëmë rreth orës 20:00.
“Policia ka ndaluar të dyshuarin mashkull kosovar duke drejtuar furgonin me targa vendore, ku gjatë kontrollit në brendi të tij ndodheshin 16 migrantë që të gjithë meshkuj shtetas Sirian, ku nga të njëjtit janë sekuestruar para, 2 telefona celular po ashtu dhe furgoni. I dyshuari me vendim të prokurorit është dërguar në mbajtje ndërsa migrantët janë dorëzuar në Drejtorinë e Migrimit dhe të Huajve”, thuhet në raportin 24- orësh të PK-së./teve1.info
