Policia e Kosovës ka ndaluar një person nën dyshimin për mbajtje të paautorizuar të armëve në Ferizaj.
Sipas Policisë, me njëzet maj dymijë e njëzet e pesë, rreth orës njëmbëdhjetë, zyrtarët policorë gjatë patrullimit në rrugën “Gjon Sereqi” në Ferizaj, kanë ndaluar një person të dyshimtë.
“Gjatë kontrollit trupor tek personi E. Th, 24 vjeç është gjetur një armë zjarri. Edhe pse i dyshuari posedonte leje për armë shenjëtarie, ai e kishte me vete në mënyrë të kundërligjshme”, thuhet në njoftim.
Më tej thuhet se Prokurori i Shtetit ka autorizuar inicimin e rastit penal për “Mbajtje të paautorizuar të armëve”.
“Nga i dyshuari janë sekuestruar: një armë zjarri (pistoletë) me karikator, 12 fishekë”, thuhet në komunikatë.
Sipas policisë, rasti është nën hetime dhe do të procedohet në procedurë të rregullt.
