Inspektorati Qendror i Punës ka marrë vendim për ndalimin e përkohshëm të punimeve në dy objekte ndërtimi, një në komunën e Drenasit dhe një në komunën e Gjilanit.
Sipas njoftimit të Inspektoratit, gjatë inspektimeve në terren janë evidentuar parregullsi lidhur me mosmarrjen e masave të nevojshme për sigurinë dhe shëndetin në punë.
Për shkak të këtyre mangësive, është vendosur që punimet në të dy objektet të ndalohen përkohësisht, deri në eliminimin e të gjitha parregullsive dhe krijimin e kushteve të sigurta për zhvillimin e punës.
Inspektorati Qendror i Punës ka bërë të ditur se do të vazhdojë mbikëqyrjen e zbatimit të legjislacionit të punës.
Njëkohësisht, u është bërë apel punëdhënësve që të respektojnë standardet e sigurisë dhe shëndetit në punë, me qëllim të parandalimit të aksidenteve në vendin e punës./teve1.info/
