Dy persona M.M dhe Z.J, janë ndaluar për 48- orë pas një aksioni të Prokurorisë dhe Policisë për një pronë prej 56 ari në Veternik.
Prokuroria ka njoftuar se aksioni është zhvilluar pas hetimeve disa mujore.
“ Të njëjtit, dyshohen se në bashkëpunim edhe me persona të tjerë, kanë kryer veprat penale: “Mashtrimi” nga neni 323 i KPRK-së, “Falsifikim i dokumenteve” nga neni 390 i KPRK-së, dhe “Legalizim i përmbajtës së rreme” nga neni 395 i Kodit Penal të Republikës së Kosovës .Rasti ka të bëjë me vepra penale që ndërlidhen me pronën e paluajtshme e cila gjendet në Veternik, me sipërfaqe prej 56 ari”, thuhet nga Prokuroria Speciale.
Në këtë rast janë sekuestruar para, dokumente, një veturë dhe katër telefona.
“Në kuadër të veprimeve hetimore të ndërmarra në këtë çështje, nga personat e dyshuar janë sekuestruar këto prova materiale: një (1) veturë në vlerë prej 50,000 deri në 60,000 euro; para në shumën prej 20,000.00 (njëzet mijë) euro; dokumente të ndryshme pronësore, të cilat dyshohen se janë të falsifikuara; si dhe katër (4) telefona celularë, të cilët do të shërbejnë si prova materiale në procedurën e mëtejshme hetimore”, thuhet në komunikatë./teve1.info/
