Agresioni i shtetit rus ndaj Ukrainës ka kaluar përtej politikës dhe ka bërë që akterë nga fusha të ndryshme të përdorin ndikimin e tyre për të kontribuar në ndalimin e kësaj lufte.
Ish-sulmesi i Milan dhe Chelsea, Andriy Shevchenko ndjehet i nderuar me vendimet e FIFA-së për t’i përjashtuar skuadrat ruse nga kompeticionet e tyre, por megjithatë ukrainasi mbetet i shqetësuar për situatën në vendin e tij.
Ai ka bërë thirrje që kjo luftë të ndalet mes Ukrainës dhe Rusisë, duke e potencuar se ‘fëmijët po vdesin’, e po ashtu edhe familjarët e tij janë ende në Ukrainë dhe siguria e tyre mund të cenohet.
Ishfituesi i topit të artë kaloi 5 vite si trajner i kombëtares së tij, nga viti 2016 deri në vitin 2021, ndërsa tani është njëri nga ata që janë të detyruar të shikojnë nga larg Vladimir Putinin teksa sulmon vendin e tyre.
Ai ka thënë se futbolli nuk ekziston më për të, i cili po kërkon veprime më konkrete të ndërmerren nga kombet nëpër botë për të bërë përpjekje që të situata të normalizohet.
