Shkrimtari i njohur Rushit Ramabaja është ndarë nga jeta në moshën 77-vjeçare.
Ministria e Kulturës, Rinisë dhe Sportit do të organizojë një mbledhje komemorative nesër në Amfiteatrin e Teatrit Kombëtar të Kosovës, duke filluar nga ora 12:00. Homazhet do të nisin një orë më herët.
Në komunikatën e MKRS-së thuhet se “Rushit Ramabaja ishte një zë i veçantë i letërsisë shqipe, intelektual i përkushtuar dhe kontribuues i palodhur në jetën kulturore.”
Vepra dhe mendimi i tij do të mbeten pjesë e rëndësishme e kujtesës sonë kolektive. Ramabaja ka qenë autor i veprave të njohura si “Mareci i Shpresës së Mirë”, “Kangjella e Damastionit” dhe “Një gomar në Parlament”.
