Pjesëtari i Policisë së Kosovës dhe ish-luftëtari i UÇK-së, Sami Gashi është ndarë nga jeta.
Lajmin e ka bërë të ditur kryetari i Vushtrrisë, Ferit Idrizi, i cili ka shprehur ngushëllime për vdekjen e Gashit, teksa shtoi se ai do të kujtohet gjithmonë për kontributin e tij të çmuar në shërbim të atdheut, si dhe për angazhimin e tij në ruajtjen e rendit dhe sigurisë publike.
“Në këto momente të rënda, ju shpreh ngushëllimet e mia më të thella dhe bashkëndjej dhimbjen me ju. Qoftë i përjetshëm kujtimi për të!”, ka shkruar ai.
