I pari i Komunës së Drenasit, Ramiz Lladrovci, 4.5 milionë euro që i fituar nga Granti i Përformancës ka vendosur që t’i shpenzojë në ndërtimin dhe zgjerimin e sheshit “Fehmi e Xhevë Lladrovci”, raporton teve1.info.
Sipas njoftimit të komunës, ky projekt do të bashkëfinancohet nga Ministria e Administrimti të Pushtetit Lokal, projektit DEMOS dhe Komunës së Drenasit, dhe vlera totale për realizimin e këtij projekti është 4,492,660.60 euro.
“MAPL do të ndajë shumën prej 616,388.80, DEMOS shumën prej 1,118,387.08 dhe Komuna e Drenasit vlerën prej 2,457,884.72”, thuhet në njoftim.
Lladrovci, ka nënshkruar marrëveshjen me ministrin e MAPL-së, Elbert Krasniqi dhe menaxherin e projektit DEMOS, Ertan Munoglu.
Gjithashtu, është bërë e ditur se këto mjete për realizimin e këtij projekti, nuk do të shpenzohen nga buxheto i përgjithshëm komunal, por janë mjete të fituara nga Granti i Performancës Komunale, ku Komuna e Drenasit në nivel vendi, ka fituar vendin e parë.
