“Zoti Kurti po ndjek me gjasë skenarin sipas të cilit Asociacioni në qoftë se do të ketë do të duhet të përfshihet në marrëveshjen finale që është e kornizuar sipas planit franko-gjerman”, ka thënë Nazarko.
Ai në “Info Nata” në Tëvë1, deklaroi se ka elemente që gjendja e ditëve të fundit në veri të Kosovës të duket si një inskenim.
“Ka shumë elemente që e bëjnë të duket këto 20 ditët e fundit si një lloj inskenimi, si një llojë shfaqje teatrale me dy a më shumë aktorë”, ka thënë Nazarko
Tutje ai tha ngjarjet që kanë ndodhur në veri ishin reale e që ishin pjesë e disa gabimeve dhe e kalkulimeve nga të dyja palët.
“Kemi patur një shfaqje të re teatrale atje, dua të besoj që gjithçka që ndodhi ishte reale ishte pjesë e disa gabimeve, ishte pjesë e kalkulimeve nga të dyja palët”, u shpreh Nazarko.
Tutje, Nazarko u shpreh se ajo çfarë rezulton në fund të zhvillimeve në veri të Kosovës, sipas tij është fakti që marrëveshjet e Brukselit praktikisht nuk ekzistojnë më./teve1.info
