Lidhur me zhvillimet e së martës, një zyrtar i NATO-s ka thënë për BBC-në se po shqyrtojnë këto raporte dhe koordinohen nngushtë me Poloninë.
Ndërkaq, edhe ministrja e Jashtme e Kosovës, Donika Gërvalla ka reaguar pas raportimeve se dy raketa ruse kanë rënë në territorin e Polonisë, duke lënë të vrarë dy persona.
Ajo në Twitter ka thënë se Kosova qëndron me Ukrainën kundër regjimit të Putinit, teksa kërkoi nga BE-ja të reagojë para se siç tha ajo Putin të sjellë luftë në gjithë kontinentin.
“Të pikëlluar nga humbja e dy jetëve në Poloni, të cilët janë goditur nga raketat ruse. Jemi me familjet e tyre, Kosova qëndron krah Polonisë kundër regjimit të Putin. BE duhet të veprojë më vendomërisht për ta ndalur Putinin, përpara se ai dhe instrumentet e tij të sjellin luftën në tërë kontinentin”, ka shkruar ajo./teve1.info/
https://teve1.info/rajonibota/zyrtari-amerikan-raketat-ruse-kaluan-ne-poloni-vrane-dy-persona/