Udhëheqësit e Aleancës së Atlantikut të Veriut në samitin e mbajtur në Hagë kanë thënë se NATO mbetët kërcënim afatgjatë për sigurinë.
Në deklaratën e përbashkët krerët e shteteve të NATO-s, riafirmuar angazhimin e tyre të qëndrueshëm ndaj NATO-s, lidhjes transatlantike dhe parimit të mbrojtjes kolektive.
Deklarata e Samitit të Hagës e lëshuar nga Krerët e Shteteve dhe Qeverive të NATO-s që morën pjesë në takimin e Këshillit të Atlantikut të Veriut në Hagë, më 25 qershor 2025:
Ne, Krerët e Shteteve dhe Qeverive të Aleancës së Atlantikut të Veriut, jemi mbledhur në Hagë për të rikonfirmuar përkushtimin tonë ndaj NATO-s, aleanca më e fuqishme në histori, dhe ndaj lidhjes transatlantike. Ne rikonfirmojmë përkushtimin tonë të palëkundur ndaj mbrojtjes kolektive, siç përcaktohet në Nenin 5 të Traktatit të Uashingtonit – se një sulm ndaj njërit është sulm ndaj të gjithëve. Qëndrojmë të bashkuar dhe të vendosur në mbrojtjen e një miliard qytetarëve tanë, në mbrojtjen e Aleancës dhe në ruajtjen e lirisë dhe demokracisë sonë.
Të bashkuar përballë kërcënimeve dhe sfidave të thella të sigurisë, veçanërisht kërcënimit afatgjatë që paraqet Rusia për sigurinë euro-atlantike dhe kërcënimit të vazhdueshëm nga terrorizmi, Aleatët angazhohen të investojnë 5% të PBB-së çdo vit për kërkesat bazë të mbrojtjes, si dhe për shpenzime të lidhura me mbrojtjen dhe sigurinë deri në vitin 2035, për të përmbushur detyrimet tona individuale dhe kolektive, në përputhje me Nenin 3 të Traktatit të Uashingtonit. Investimet tona do të sigurojnë forca, kapacitete, burime, infrastrukturë, gatishmëri për luftë dhe qëndrueshmëri të nevojshme për të penguar dhe mbrojtur, në përputhje me tre detyrat tona thelbësore: parandalim dhe mbrojtje, parandalim dhe menaxhim krizash, dhe siguri bashkëpunuese.
Aleatët bien dakord që ky angazhim prej 5% do të përfshijë dy kategori thelbësore të investimeve në mbrojtje. Aleatët do të ndajnë të paktën 3.5% të PBB-së çdo vit, bazuar në përkufizimin e dakorduar të shpenzimeve të NATO-s për mbrojtje deri në vitin 2035, për të mbuluar nevojat bazë të mbrojtjes dhe për të përmbushur Objektivat e Kapaciteteve të NATO-s. Aleatët bien dakord të dorëzojnë plane vjetore që tregojnë një rrugë të besueshme dhe graduale drejt arritjes së këtij qëllimi. Po ashtu, deri në 1.5% të PBB-së çdo vit do të llogaritet për, ndër të tjera, mbrojtjen e infrastrukturës kritike, mbrojtjen e rrjeteve tona, sigurimin e përgatitjes civile dhe qëndrueshmërisë, nxitjen e inovacionit dhe forcimin e bazës industriale të mbrojtjes. Trajektorja dhe balanca e shpenzimeve sipas këtij plani do të rishikohen në vitin 2029, në dritën e mjedisit strategjik dhe objektivave të përditësuara të kapaciteteve. Aleatët rikonfirmojnë përkushtimet e tyre të qëndrueshme sovrane për të ofruar mbështetje për Ukrainën, siguria e së cilës kontribuon në sigurinë tonë. Për këtë qëllim, kontributet direkte për mbrojtjen e Ukrainës dhe industrinë e saj të mbrojtjes do të përfshihen në llogaritjen e shpenzimeve të Aleatëve për mbrojtje.
Ne rikonfirmojmë përkushtimin tonë të përbashkët për të zgjeruar me shpejtësi bashkëpunimin transatlantik në industrinë e mbrojtjes dhe për të shfrytëzuar teknologjitë në zhvillim dhe frymën e inovacionit për të avancuar sigurinë tonë kolektive. Do të punojmë për të eliminuar pengesat tregtare në mbrojtje mes Aleatëve dhe do të shfrytëzojmë partneritetet tona për të promovuar bashkëpunimin industrial të mbrojtjes.
Shprehim mirënjohjen tonë për mikpritjen bujare që na është ofruar nga Mbretëria e Holandës. Me padurim presim takimin tonë të ardhshëm në Turqi në vitin 2026 dhe më pas në Shqipëri.
