Pas anulimit të vendimit për burgim të përjetshëm, sot ka filluar shqyrtimi gjyqësor ndaj Naser Pajazitajt. Ne Gjykatën Themelore në Ferizaj, i akuzuari për vrasjen e Donjeta Pajazitaj, mohoi akuzën për vrasje. E familja e viktimës, nuk mori pjesë në seancë.
Pas dy dështimesh, shqyrtimi gjyqësor ndaj Naser Pajazitaj filloi sërish. I akuzuari për vrasje të rëndë dhe armëmbajtje pa leje, para trupit gjykues u deklarua për akuzat që e rëndojnë.
E në këtë seancë, familja e viktimës, Donjeta Pajazitaj, nuk mori pjesë, për çka trupi gjykues konstatoi se nuk paraqet pengesë për vazhdimin e shqyrtimit gjyqësor.
Megjithëse erdhën në Gjykatën Themelore në Ferizaj, dëshmitarët nuk dëshmuan, pasi që dëshmitë e tyre u konstatuan si të lexuara nga shqyrtimet tjera gjyqësore. Kjo zgjoi edhe reagimin e tyre.
Pas përfundimit të seancës, kryetari i trupit gjykues, i dha të drejtën të akuzuarit të takohet me familjarët. Shqyrtimi gjyqësor do të vazhdojë më 28 prill, ku do të diskutohen provat e rastit të ndodhur në 2015, në Strellc të Deçanit.
Raporti i gazetares, Florijeta Dernjani.
