Në seancën fillestare, i akuzuari Naser Pajazitaj ka mohuar fajësinë për vrasjen e Donjeta Pajazitaj, kurse ka pranuar fajësinë për armëmbajtje pa leje.
Të pranishëm në seancën e së enjtes nuk ka qenë pala e dëmtuar, Halil Pajaziatj, Shkëlqim Pajazitaj dhe Lumnije Pajazitaj. Por që, trupi gjykues ka konstatuar se mosprezenca e tyre nuk paraqet pengesë për vazhdimin e shqyrtimit gjyqësor.
Naser Pajazitaj, ngarkohet me veprën penale vrasje e rëndë dhe armëmbajtje pa leje, për të cilat dy herë mori dënim me burg të përjetshëm, vendime të cilët u rrëzuan njëherë nga Gjykata e Apelit dhe një herë nga Gjykata Supreme.
Theksojmë se Naser Pajazitaj akuzohet për vrasjen e Donjeta Pajazitajt në vitin 2015 në Deçan. /teve1.info/
