Napoli është finalisti i parë i Superkupës së Italisë, pasi në gjysmëfinale ka eliminuar Milanin.
Në gjysmëfinalen e luajtur të enjten mbrëma në Arabinë Saudite, Napoli triumfoi me rezultatin 2:0 ndaj ekipit të Milanit.
Një gol në pjesën e parë dhe një tjetër në të dytën, i dhanë fund dilemës së fituesit, duke bërë që Napoli të kualifikohet në finale.
David Neres në minutën e 39-të kaloi Napolin në epërsi, ndërsa rezultatin përfundimtar të ndeshjes e vulosi Rasmus Hojlund në minutën e 63-të.
Te Napoli gjatë tërë ndeshjes luajti Amir Rrahmani kurse te Milani ishte startues Ardon Jashari, i cili u zëvendësua në minutën e 75-të nga Luka Modriq.
Në finale të Superkupës, Napoli do të përballet me fituesin e ndeshjes Inter – Bologna, e cila luhet të premten mbrëma.
