Napoli i është kthyer fitores në Serie A, pas disfatës së pësuar në shtëpi ndaj Milanit dhe vazhdon garën për titullin e kampionit.
Napoli ka fituar si mysafir i Hellas Veronës me rezultatin 2:1, në kuadër të xhiros së 29-të të elitës së futbollit italian.
Të dy golat për napolitanët i shënoi sulmuesi nigerian Victor Osimhen (14’, 71’). Ndërkaq golin e vetëm për Veronën i realizoi Davide Faraoni (77’).
Skuadra vendase luajti me një lojtarë më pak nga minuta e 83-të. Pas dy kartonëve të verdhë u përjashtua Federico Ceccherini.
Amir Rrahmani kompletoi edhe një ndeshje tjetër me Napolin.
Napoli ka 60 pikë dhe zë vendin e dytë. Ka tri pikë më pak se Milani që është i pari. Hellas Verona renditet e nënta me 41 pikë.
