I madh e i vogël, morën rrugën për në xhami.
Shkak i motit me shi, erdhën të përgatitur.
Secili po zinte vend, për të falur namazin e Fitër Bajramit.
Xhamia e Madhe në Prishtinë, u mbush plotë, andaj pati njerëz që po faleshin jashtë.
Në hutben e Fitër Bajramit, u përcoll rëndësia e edukatës së gjeneratave të reja.
U theksuan rastet e fundit të vrasjeve në Kosovë, ku u shpreh shqetësimi për shpeshtimin e këtyre ngjarjeve.
Pas duas, xhemati filloi urimin e festës së Bajramit.
Në urimet e tyre ishte edhe zgjidhja e problemeve mes njerëzve.
Për shmangien e tollovive në trafik, po kujdesej Policia e Kosovës.
