Ministrja e Arsimit, Arbërie Nagavci është pritur në takim nga ministri i shtetit në Departamentin e Arsimit në Angli, Nick Gibb.
Nagavci përmes një postimi në Facebook, ka thënë se me Gibb kanë diskutuar për reformat në arsim, mbështetjen për mësuesit e nxënësit.
“Na mirëpriti sot në takim, ministri i Shtetit në Departamentin e Arsimit në Angli, Nick Gibb. Diskutuam për reformat në arsim bazuar në standarde, mbështetjen në zhvillimin profesional të mësuesve, me fokus përmirësimin e njohurive të nxënësve dhe rezultateve të tyre në lexim dhe matematikë, kurrikulat, dixhitalizimin dhe llogaridhënien në sistemin arsimor”, ka shkruar ajo.
Po ashtu, Nagavci thotë se gjatë takimit janë ftuar që të marrin pjesë në Forumin Botëror të Edukimit.
“Gjatë takimit të frytshëm, shkëmbimit të përvojave profesionale, u ftuam që të marrim pjesë në Forumin Botëror të Edukimit për të trajtuar tutje idetë, sfidat dhe rezultatet në përmirësim të cilësisë në arsim”, tha ajo. /Teve1.info/
