Nagavci përmes një postimi në Facebook, tha se si ministri janë të angazhuar në rregullimin e sektorit të arsimit, për të cilin thotë se e kanë gjetur me shumë mangësi në të gjitha hallkat e funksionimit të saj.
“Si ministri jemi maksimalisht të angazhuar në rregullimin e sektorit të arsimit, të cilin e kemi gjetur me shumë mangësi në të gjitha hallkat e funksionimit të saj, që ndër vite, është prekur pothuajse më së rëndi dhe pasojat po i vuajmë ende. Dhe padyshim, fajtorët nuk janë të panjohur. I dini ju, të nderuar mësues, po aq mirë, sa secili nga ne”, ka shkruar ajo.
Sipas saj, prioritet i tyre është që të përmirësojnë cilësinë në arsim, duke rregulluar infrastrukturën ligjore dhe fizike, teksa thotë se rritja e merituar e pagës e propozuar në ligjin për paga është dëshmi e përkushtimit të tyre ndaj mësimdhënësve.
“Edhe rritja e përshkallëzuar e pagës sipas performancës është përgjigjja jonë për nxitje për punë të mirë. Mësimdhënia meriton kompensim të dinjitetshëm dhe kjo do të jetë e garantuar. Puna juaj e madhe në arsimim të gjeneratave nuk mund dhe nuk guxon vihet në pikëpyetje nga askush. Mësimdhënia nuk është e lehtë, por puna me nxënës është përgjegjësi, dhe këtë përgjegjësi ua kemi besuar juve”, tha më tej Nagavci. /teve1.info/
Postimi i plotë:
