Nagavci ka thënë se më 1981, studentët i dhanë zemër shqiptarëve dhe emër pranverës.
“Më 1981, studentët i dhanë zemër shqiptarëve dhe emër pranverës! Studentët kanë qenë çdo herë në ballë të proceseve të rëndësishme, por këtë herë po ndryshonin fatin e shqiptarëve, duke i dhënë kahje përpjekjeve për liri. E filluan si protestë për shërbime më të mira në mensë, por më 11 mars, përkrahja që gjetën studentët në popull, e shdërroi atë në demonstratë për kushte e jetë më të mirë në Kosovë, për mirëqenie e të drejta të plota”, ka shkruar ajo.
Ajo thotë se vendosmëria dhe guximi i studentëve të asaj kohe do të na frymëzojnë gjithmonë që të punojmë e ta duam vendin.
“Prandaj, ne sot kujtojmë të gjithë ata studentë dhe qytetarë që u rrahën, u torturuan, u burgovën, u dënuan, e edhe u vranë nga regjimi i atëhershëm, që me dhunë po përpiqej të shuante çdo zë që kërkonte liri e shtet.Vendosmëria dhe guximi i studentëve të asaj kohe do të na frymëzojnë gjithmonë që të punojmë e ta duam vendin, që ta vlerësojmë e ta ruajmë lirinë, të cilën shumë breza para nesh e ëndërruan, por nuk e jetuan kurrë!”, tha Nagavci. /teve1.info/
