Sipas Nagavcit, mësimi duhet të vazhdojë sipas planit të MAShTI-t dhe se mënyrë tjetër nuk ka.
Ministrja e Arsimit e ka kritikuar edhe Këshillin e Prindërve duke thënë se ka pasur deklarata të pamatura dhe të paqëndrueshme.
“Mendoj se kjo ditë e shtunë për arsye të ndryshme nuk është arritur të realizohet 100 për qind sipas planifikimit, besoj edhe pak për shkak të mungesës së i formimit nga ana jonë por edhe për shkak të hutisë nga deklaratat e ndryshme që janë krijuar apo edhe tensioneve që i kanë pasur prindërit. Vend për rishikim më nuk ka dhe bëj apel edhe tek prindërit e mësimdhënësit që të organizohemi për të kompensuar të gjitha humbjet e shkaktuara tek nxënësit”, tha Nagavci.
Sipas saj, situata ka dalluar nga komuna në komunë dhe prej shkollës në shkollë, dhe aty ku informatat kanë qenë të mira, mësimi ka vazhduar.
“Përfaqësuesit e Këshillit të Prindërve me deklaratat e tyre shpesh të pamatura dhe të paqëndrueshme konsideroj se kanë një nguti dhe i lus ata që po thirren në emër të Këshillit të Prindërve që të kenë në radhë të parë interesin më të mirë të fëmijëve”, tha Nagavci./EO/
