Ajo përmes një postimi në Facebook tha se edukimi i hërshëm është një nga prioritetet e Qeverisë, teksa theksoi se ndërtimi i këryre objekteve pritet të fillojë javën e ardhshme.
“Edukimi i hershëm është një nga prioritetet e Qeverisë. E lumtur që në kuadër të përmbushjes së zotimit tonë, sot nënshkruam kontratat për ndërtimin e 5 çerdheve të reja. Këto objekte do të ndërtohen në Prishtinë, Gjilan, Gjakovë, Kamenicë dhe Doberçan të Gjilanit.Ndërtimi i këtyre objekteve pritet të fillojë javën e ardhshme”, tha ajo.
Tutje Nagavci tha se si Ministri e Arsimit janë në kontakt edhe me komunat e tjera për ndërtimin e çerdheve të reja.
“Si Ministri e Arsimit jemi në kontakt edhe me komunat tjera për evidentimin e hapësirave për ndërtimin e çerdheve të reja. Ndërkohë, në Junik një objekt i shkollës është duke u renovuar dhe do të shndërrohet në çerdhe. Kurse edhe 4 objekte tjera si në Banjë të Malishevës, në Korenicë të Gjakovës, në Muzeqinë të Shtimës si dhe në Babush të Ferizajt janë në procedurë të tenderimit për t’u shndërruar në çerdhe”, shtoi tutje ajo./teve1.info./
