Shefja e Grupit Parlamentar të Lëvizjes Vetëvendosje, Arbërie Nagavci ka thënë se është e rëndësishme që të ketë harmonim mes të gjitha institucioneve që apelimi ndaj vendimit të Gjykatës Speciale të bëhet në mënyrë të suksesshme.
Ajo kështu është shprehur pas mbledhjes së Kryesisë së Kuvendit.
“S’ka asnjë dyshim që është në interes që të kemi një harmonizim të të gjitha institucioneve të Kuvendit, Qeverisë, diplomacinë tonë, që apelimi në Gjykatën e Apelit të bëhet në mënyrë të suksesshme dhe nevojitet më shumë se asnjë herë koordimin”, ka thënë ajo.
Sa i përket reagimeve të Bashkimit Evropian për miratimin e ndryshimit të Ligjit, Nagavci ka thënë se kanë shprehur shqetësime dhe rezervat në raport me ligjin, duke theksuar se duhet strategji shtetërore për Apelin.
