Pak ditë më parë, Rafael Nadal i dha lamtumirën sportit të tenisit, një karrierë legjendare që u mbyll në Davis Cup, me fanellën e kombëtares.
Gjithsesi, edhe pse në moshën 38-vjeçare Nadal vendosi të tërhiqej nga sporti profesionist ai nuk e ka humbur dëshirën për të qenë konkurrues.
Siç raportohet nga mediumet spanjolle, pasi kaloi zhgënjimin e ndeshjes së fundit të luajtur dhe të humbur, Nadal u shfaq të shtunën në mëngjes me çantën e tij në fushën e golfit, në qytetin e tij të lindjes në Mallorca.
Nadal është një i apasionuar pas golfit.
Duket se spanjolli po bën hapat e parë të një jete të re, njëkohësisht gati për t’iu përkushtuar familjes, biznesit dhe pasioneve të tij të mëdha: Golfit, varkave dhe pse jo, tenisit nga një këndvështrim tjetër.
