Për të dytën ditë rresht, u paraqit në Gjykatë.
Eksperti i ADN-së, Fatmir Ademi, vazhdoi dëshminë e tij në rastin e sulmit në kanalin e Ibër Lepencit.
Në këtë seanca ai u mor në pyetje nga mbrojtësit e të akuzuarve.
Mes tjerash, eksperti i ADN-së, tregoi se çka kanë analizuar nga vendi i ngjarjes.
Ai ka dhënë sqarime se ekspertiza është kryer në Prishtinë, dhe se vetëm interpretimi është bërë jashtë vendit për shkak të mungesës së kushteve.
Dëshminë e dha para trupit gjykues edhe polici që e ndaloi Jovan Viqentijeviq.
Astrit Ahma tha se përgjatë patrullimit në zonën e Zubin Potokut, kishin hasur në disa persona që cilët u ishin dukur të dyshimtë.
Bëhej fjalë për Jovan Viqentijeviq, por që i njëjti ishte prezantuar me një identitet të rremë.
Me këtë rast, zyrtari policor thotë se me të dyshuarin është marrë komandanti i zonës.
Vëllezërit, Jovan dhe Dragisha Viqentijeviq, akuzohen për sulmin e 29 nëntorit 2024, në kanalin e Ibër Lepencit.
Në një aktakuzë më dy vëllezërit Viqentijeviq, është edhe Igor Dimoviq, i cili akuzohet për armëmbajtje pa leje.
