Në një lidhje direkte në “Këndin e Debatit” në Tëvë 1, Mustafi tha se ish-deputeti shqiptar, Shaip Kamberi, i kishte përfaqësuar ata në mënyrë të dinjitetshme për shkak se kishte ngritur zërin e tyre.
“Sigurisht në mungesë të një zëri në mesin e 250 deputetëve të parlamentit republikan, Kamberi ka qenë zë kumbues që në mënyrë të drejtpërdrejt kanë ngritur temat e Luginës sa i përket demokratizimit të dialogut edhe të ballafaqimit me të kaluarën dhe këta njerëz që do të futen në dialog me Kosovën ai ka theksuar se ju do të uleni përballë njerëzve që i keni kryer krime i keni vra familjarët. Në rast se nuk arrijmë përfundimisht të kemi një deputet, do të jetë një humbje e madhe ndaj një zëri që u dëgjua jo vetëm në parlamentin e Serbisë por edhe nga bashkësia ndërkombëtare”, u shpreh ai.
Sipas tij, problemi kryesor për mos arritjen e sigurimit të një ulëseje në Parlamentin serb, ka qenë pasivizimi i adresave të shqiptarëve atje.
“Këto vota nuk ishin të mjaftueshme për të siguruar një deputet për shkak të një pjesëmarrje të madhe në nivel të Serbisë përderisa shqiptarëve të Luginës u janë pasivizuar adresat rreth 6 mijë qytetarë që u është pamundësuar ndryshimi artificial i ka pamundësuar edhe ata të marrin pjesë përderisa kemi një diasporë të madhe që nuk ka marrë pjesë”, theksoi ai.
Sa i përket pasivizimit të adresave, Mustafi thekson se kanë paditur autoritetet serbe për këtë çështje.
“Serbia edhe më tej refuzon të implementoj, refuzon të zbatojë marrëveshjet, krahas kësaj t’ju njoftojë ne si Këshill e kemi paditur ministrin për gjuhë të urrejtjes, jemi paditur në katër padi kundërvajtëse sa i përket përdorimit të flamurit kombëtar shqiptar, mua personalisht pra në këtë drejtim nuk do të zbrapsemi nuk do të dorëzohemi për luftën politike për të drejtat individuale”, shtoi ai.
Por, ai thotë se rezultatin e ish-kandidatit shqiptar për deputet e përmbysën edhe votat e serbëve të Kosovës dhe të “Lista Srpskas”, teksa shton se për 300 vota ai nuk arriti të bëhet deputet.
“Në fakt Kamberi e përmbyti rezultati i votave që erdhën nga serbët e Kosovës dhe të Lista Srpksas megjithatë ende s’ka përfunduar komplet gara për shkak se do të shihet mundësia se sa vendvotime nuk kanë respektuar rregullat. Kamberi ka kërkuar përsëritjen e zgjedhjeve gjthsesi nuk dihet sesa vendvotime do të prishen sepse duhet pasur qartë kemi pasur zgjedhje presidenciale, parlamentare dhe për disa komuna, nga 3 komuna të Luginës edhe Medvegja u ka nënshtru zgjedhje ku shqiptarët kanë 3 përfaqësues nga 25 ulëse në Kuvendin Komunal të medvegjës do të varet sa do të ripërsëriten ato vendvoditme dhe mënyrën se si do të përssëriten për ndryshe për 300 vota nuk ka arritur të konfirmohet si deputet”, thotë ai.
Po ashtu, ai foli edhe për ndihmën që duhet dhënë Shqipëria dhe Kosova ndaj shqiptarëve atje.
“Sigurisht Shqipëria ka obligim kushtetues me nenin 8 të përkujdeset për shqiptarët jashtë kufiriti, e Kosova ka obligim moral për shkak se shqiptarët e Luginës vazhdimisht kanë qenë kontribuues në shëtetndërtimin e Kosovës madje është për t’u diskutuar se si nuk ka një strategji të Tiranës dhe Prishtinës në raport me shqiptarët e luginës së Preshevës si komuniteti më i diskriminuar”, tha ai./teve1.info/
