Deputeti i Lidhjes Demokratike të Kosovës, Besian Mustafa ka reaguar pasi që Gjykata e ka dënuar me gjobë ministren e Industrisë, Tregtisë dhe Ndërmarrësisë, Rozeta Hajdari, e cila kishte goditur me veturë një fëmijë.
Mustafa tha se “shumari në mal me të nxan me dru të dënon ma shumë”.
Ai më tej, tha se dorëheqja e Hajdarit nuk mjafton dhe se Qeveria është e mbuluar kokë e këmbë me turp.
“Shumari n’mal me t’nxan me dru’ të dënon ma shumë! Ministrja e shkelë me veturë një vajzë 9 vjeçare, dënohet 200 euro. Kaq ka vlerë për ta një fëmi, 200 euro. E këta të flasin për kapje të shtetit e të gjykatësve. Këta të flasin për korrupsion. Vet janë të korruptuar edhe shpirtërisht! Plagosin fëmijë, e gjykatësit e kapur i dënojnë 200 euro! Dorëheqja e kësaj ministreje nuk mjafton! Jeni mbuluar kokë e këmbë në turp! Të paftyrë!”, ka shkruar ai.
