Deputeti i zgjedhur i Partisë Demokratike të Kosovës Arben Mustafa, ka mohuar se kjo parti dëshiron zgjedhje të reja, dhe kjo ndërlidhet më 16 shtatorin kur në Gjykatën Speciale pritet të merret vendimi ndaj ish-krerëve të UÇK-së.
Ai ka thënë se PDK nuk dëshiron zgjedhje dhe kjo nuk lidhet as më 16 shtatorin e as ndonjë skenari tjetër.
Mustafa ka thënë se PDK është që të jetësohet rezultati i zgjedhjeve të 7 qershorit.
“Jo në asnjë mënyrë, zgjedhjet nuk lidhen në asnjë mënyrë më 16 shtatorin e as ndonjë skenar tjetër. Ne nuk po kërkojmë zgjedhje e as nuk po ja kontestojmë, Albin Kurtit faktin që ka dal i pari në zgjedhjet e qershorit. Ne po i themi, bëre punën tënde qe ta ka besua qytetarit me 53 deputetë, ne e bëjmë punën tonë me 22 deputetë. Nuk jemi duke kërkua zgjedhje, përkundrazi po kërkojmë jetësimin e rezultatit të zgjedhjeve të 7 qershorit”, ka thënë ai në “Këndin e Debatit” në Tëvë1.
I pyetur nëse PDK do të qëndrojë në sallë për zgjedhjen e presidentit nëse ka marrëveshje mes LVV-së dhe LDK-së, ai ka thënë se tani është e rëndësishme konstituimi i Kuvendit dhe se për presidentin do të japin qëndrim në kohë.
