Studiuesi i filozofisë politike, Latif Mustafa, vlerëson se vendimi i kryeministrit në detyrë, Albin Kurti, për mandatimin e Glauk Konjufcës është një nga lëvizjet më strategjike politike të bëra së fundmi.
Mustafa, thotë se edhe vota pro ose kundër Konjufcës do t’i garantojë fitore VV-së në zgjedhjet e ardhshme.
Kjo pasi sipas tij, nëse Konjufca nuk zgjidhet kryeministër, atëherë VV-ja do t’i paraqes se cilët janë bllokuesit.
“Mandatimi i Konjufcës është lëvizja më e mençur politike që ka bërë Kurti së fundmi. Ngaqë, votimi ose mosvotimi i tij do t’i garantojë fitoren VV-së në zgjedhjet e ardhshme. Nëse do të votoheshte, zaten ata në mbledhjen e tyre të Këshillit të Përgjithshëm edhe aty u cek qartë që kjo do të jetë e përkohshme. Vet Konjufca tha që Kurti do të kthehet edhe më fuqishëm”, deklaroi ai në emisionin “Këndi i Debatit” në Tëvë1.
Sipas tij, ftesa e Kurtit për Konjufcën ka synim që të ruajë legjitimitetin dhe të shmangë krijimin e imazhit të bllokuesit.
“Vet ftesa, që ‘nëse zgjidhem, synimi është që ne të arrijmë atë qëllimin që ne e mbizotërojmë vendin’, qëllimi është që të shkohet aty. Por, ‘nëse s’votohemi, ne krijojmë legjitimitetin për narracionin e bllokuesit të partive opozitare’. Kjo pra ishte lëvizja që bëri Kurti dhe me gjasë do të shkojnë deri në atë pikë, ku Konjufca nuk do të zgjidhet kryeministri i ardhshëm i Kosovës, por bllokuesit do të kenë emër”, tha ai. /teve1.info/
