Deputeti i Lidhjes Demokratike të Kosovës, Besian Mustafa pas përfundimit të seancës kosntituive, ka deklaruar se kjo parti nuk do të votoj asnjë kandidat për kryetar të Kuvendit nga asnjë parti politike të cilën nuk ka marrëveshje paraprake politike.
Mustafa tha se LDK-ja mbetet konsistente dhe do vazhdojë ta ketë këtë qëndrim.
“Nuk votojmë asnjë kandidat të asnjë partie me të cilën nuk kemi asnjë marrëveshje paraprake politike, njësoj vepruam dhe sot pavarësisht emrave që propozoi. LDK-ja mbetet konsistente, kemi qëndrimin e njëjtë që kemi pasur, do ta vazhdojmë ta kemi”, tha Mustafa.
I pyetur për votën e deputetit të LDK-së Arben Gashi për Dimal Bashën për kryetar të Kuvendit, Mustafa tha se është qëndrim dhe veprim i tij në cilësinë e deputetit.
“LDK me të vërtetë është demokratike dhe Gashi ka qëndrimin e tij dhe veprimet e tij parlamentare në cilësinë e deputetit”, shtoi Mustafa.
