Ekrem Mustafa, pjesë e Listës së Vjosa Osmani në LDK, në emisionin “Info Nata” në Tëvë1, ka folur për situatën politike në vend dhe procesin e zgjedhjes së presidentit.
Mustafa ka deklaruar se Lidhja Demokratike e Kosovës (LDK) ka ofruar nënshkrime për të mundësuar procesin, por sipas tij ka munguar vullneti politik nga kryeministri në detyrë Albin Kurti.
“LDK-ja ka ofruar 15 nënshkrime, kemi pasur diskutime edhe me deputetë të komuniteteve joshumicë. Sikur të kishte edhe vota të Vetëvendosjes, sepse siç e dini, Kurti ka votuar për Simiqin, por për presidenten nuk i ofroi votat. Ai donte që znj. Osmani ta siguronte kuorumin vetë. Nuk ka pasur vullnet dhe ka munguar vullneti i Kurtit,” ka thënë Mustafa.
