Mustafa u shpreh se kriza me energjinë edhe pse ka filluar në verë, do të përkeqësohet dhe se do të vijnë ditët e ftohta.
“Na ndajnë disa javë nga fundi i verës dhe kriza do të përkeqësohet në mënyrë dramatike, pasi po vijnë ditët më të ftohta të vitit. Kjo qeveri e papërgjegjshme nuk bëri asgjë për të përballuar krizën, për të mbështetur qytetarët dhe për t’ua lehtësuar barrën që rëndon mbi ta”, shtoi ai.
Madje, ai tha se Qeveria duhet vepruar menjëherë pasi që sipas tij nuk ka kohë më për të humbur.
“Qeveria duhet të veprojë menjëherë sepse nuk ka më kohë për të humbur, prandaj propozojmë një plan që do të ketë efekte të menjëhershme dhe afatgjate në uljen e shpenzimeve për qytetarët dhe kompanitë dhe stabilitetin afatgjatë të furnizimit me energji të vendit tonë”, tha Mustafa./teve1.info/
