Drejtoresha e Arsimit në komunën e Prishtinës, Besianë Musmurati, ka njoftuar se kryeqytetit po i shtohen edhe pesë shkolla të reja.
Ajo në një postim në Facebook ka thënë se tashmë kanë nënshkruar marrëveshjen me IFC-në dhe shkollat e reja do të jenë model sa i përket cilësisë.
“Prishtinës po i shtohen 5 shkolla të reja. Modelin e partneritetit publiko-privat të filluar më herët për ndërtimin e shkollave, po e zgjerojmë edhe për 5 shkolla të reja. Nënshkruam marrëveshjen e re me IFC, dhe shkollat e reja do të jenë model sa i përket cilësisë dhe standardeve të ndërtimit”, ka shkruar ajo.
Lokacionet e shkollave të reja janë në lagjet: Arbëria, Mati 1, Veternik, Kalabri, Qendër.
