Deputetja e Partisë Demokratike të Kosovës (PDK), Ariana Musliu-Shoshi, thotë se mes kryeministrit Albin Kurti dhe presidentes Vjosa Osmani ka një krizë në raportet mes tyre.
Musliu-Shoshi thotë se Osmani dhe Kurti qysh moti nuk kanë pasur as takime zyrtare.
“Ka një krizë në mes të kryeministrit dhe presidencës, sepse ka kohë që nuk kanë pasur takime as edhe zyrtare me njëri-tjetrin. Ka edhe shumë vendime që janë dërguar nga ministrja për Punë të Jashtme për ambasadorë dhe konsulentë të përgjithshëm e që janë refuzuar nga presidentja”, tha ajo në emisionin “Info Nata” në Tëvë1.
Deputetja opozitare thotë se moskoordinimi i Kurtit me Osmanin është shpërfaqur “bindshëm” me mos komunikimin për letrën që Qeveria e dërgoi në KiE.
“Mendoj që kjo shpërfaqja veç kur është bërë paraqitja është fakti i parë që e shpërfaqin moskoordinimin e tyre. Kur institucionet nuk kanë komunikim mes veti atëherë pëson Republika. Si në rastin konkret… Këto raporte nuk na bëjnë mirë as në politikë të brendshme po as të jashtme”, shtoi ajo./teve1.info/
