Në këtë kontekst, Musliu-Shoshi ka takuar ambasadorin e Mbretërisë së Bashkuar në Kosovë, Nicholas Abbott.
“Me Ambasadorin Abbott ndamë pikëpamjen e njëjtë lidhur me agresionin rus në Ukrainë, qëndrojmë pranë Ukrainës dhe popullit të saj ndërsa dënojmë bombardimet ruse kundër civilëve të pafajshëm në Ukrainë. Gjithashtu patëm pajtim në shumë çështje tjera që lidhen me zhvillimet politike të Republikës se Kosovës, rrugën e saj për anëtarësim në Këshillin e Europës, në NATO dhe BE”, ka shkruar ajo në një postim në Facebook.
Sipas saj, takimi me Abbottin është një fillim i mbarë për bashkëpunim në mes të Grupeve të Miqësisë se dyja vendeve.
“Takimi me Ambasadorin Abbott është një fillim i mbarë për bashkëpunim në mes të Grupeve të Miqësisë të te dyja vendeve, përmes të cilit synojmë të marrim përkrahje edhe më të madhe në qëllimet tona shtetërore që janë integrimi në BE dhe NATO”, ka thënë Musliu-Shoshi. /teve1.info/
