Deputetja e Partisë Demokratike të Kosovës, Ariana Musliu-Shoshi, ka reaguar pas deklaratës së ministrit të Brendshëm, Xhelal Sveçla, për protestën e sotme.
Musliu-Shoshi thotë se janë “shqelmat e fundit të qeverisë ‘zdraVo’”.
“Shqelmat e fundit të qeverisë ’zdraVo’. Boll e keni përqa këtë shoqëri e përmbysë këtë shtet nga brenda e nga jashtë! Nën udhëheqjen e Albinit kush nuk don me na pa, e veten e urrejmë më së shumti!Kosova jonë meriton më shumë”, ka shkruar ajo.
Ndryshe, ministrit të Brendshëm, Xhelal Sveçla, protestën e veteranëve e quajti luftë hibride.
Ministri i Brendshëm ka thënë se është e çuditshme që protesta e sotme në Prishtinë, që sipas tij vjen si rezultat i keqinterpretimeve, organizohet në të njëjtën ditë sikur në Beograd. Protesta, siç ka shkruar Sveçla, po organizohet nga njerëz që në deklarata publike kanë thënë se UÇK-ja ka kryer krime lufte në Kosovë.
