Deputetja e Partisë Demokratike të Kosovës, Ariana Musliu-Shoshi ka reaguar pasi Ambasadori i Kosovës në Kroaci, Martin Berishaj është intervistuar nga Prokuroria Speciale në Prishtinë.
Musliu-Shoshi ka thënë se Berisha është dashur që të shkarkohet, që sipas saj të ruhet imazhi i shtetit tonë.
“Martin Berisha është dashur të shkarkohet, që të ruhet imazhi i shtetit tonë. Imazhi i tillë i ambasadorëve duke u intervistuar nga prokuroria speciale e duke qenë në detyrë, flet për diplomaci jo kredibile dhe të korruptuar. Kjo nuk i duhet Kosovës! Martini s’e ka vendin në diplomaci, por në institucionet ku jepet përgjegjësi për drejtësi”, ka shkruar ajo./teve1.info
