Musliu ka thënë se Qeveria që nga fillimi është duke ushtruar presion të madh mbi sektorin privat i cili sipas saj është zhvendosur nga fokusi i shoqërisë.
“Kohëve të fundit qeveria jonë ka prodhuar aq shumë skandale dhe populizëm sa që fokusi i opinionit publik u gjend përballë debateve që u zhvilluan midis opozitës dhe qetave, të orkestruara nga pushteti, të cilët pa fije turpi mbrojtën çdo veprim të qeverisë. Nën hijën e orkestrimeve populiste, qeveria që nga fillimi është duke ushtruar presion të madh mbi një sektor tjetër i cili sikur është zhvendosur nga fokusi i shoqërisë. Bëhet fjalë për sektorin privat”, ka shkruar ajo.
Musliu thotë se ka pranuar shumë ankesa nga përfaqësues serioz të sektorit privat, të cilët janë ankuar se Qeveria po e keqpërdor skajshmërisht pushtetin në raport me kompanitë tona vendore.
Sipas saj, në asnjë qeveri deri më tani në Kosovë nuk ka pasur asnjëherë bllokim të investimeve kapitale të cilat kanë qenë të kontraktuara më herët.
“Dihet se qeveria e Kosovës është investitori kryesor për investime kapitale në Kosovë, por me ardhjen e Kurtit, të gjitha investimet që kanë qenë të kontraktuara më herët janë bllokuar dhe ky bllokim po shkakton falimentimin e kompanive tona. Me këtë bllokim shumica e punëtorëve të këtyre kompanive i janë ekspozuar frikës së destabilitetit të tyre financiar dhe kanë filluar të kërkojnë zgjidhje jashtë Kosovës. Pra, një kryeministër që gjatë fushatës gënjente popullin se do të gjeneronte vende të reja të punës, me ardhjen e tij në pushtet bllokoi investimet e filluara dhe me mos planifikimin e investimeve për vitin 2022, për një vit është kujdesur që edhe ata qytetarë që kishin punë, të mbeten pa punë”, ka thënë Musliu. /teve1.info/
Postimi i plotë:
